20 September 2012

അവളുടെ കുപ്പായം..


നീ കൂടെയുള്ളപ്പോള്‍
ഞാന്‍ ധരിച്ച കുപ്പായം
അലക്കാതെ കിടക്കുന്നു
അതെടുത്ത് മണക്കുമ്പോള്‍
നിന്റെ വിയര്‍പ്പില്‍ കുതിര്‍ന്ന
നിന്റെ കാമുകിയുടെ മണം
എന്റെ കൂടെയുള്ളപ്പോള്‍ പോലും
നീ തുരുതുരാ ചുംബിച്ചിരുന്നത്
അവളെയായിരുന്നല്ലോ
എന്നിട്ടും നിന്നെയോര്‍ക്കാനാവണം
തിരിച്ചു പോരുമ്പോള്‍ നീ ഊരിയെടുത്ത
അവളുടെ കുപ്പായം 
നീയറിയാതെ ഞാന്‍ മോഷ്ടിച്ചത്

6 September 2012

...

ഞാന്‍ നിന്നെ ശരിക്കും പ്രേമിക്കുന്നുണ്ടോ
എന്ന് ചോദിച്ച പ്രിയ കൂട്ടുകാരാ..
ഞാന്‍ നിന്നെ പ്രേമിക്കുന്നില്ല..
നിന്റെ ഉള്ളിലെ എന്നെ( മാത്രം ?) സ്നേഹിക്കുന്നു...
അല്ലെങ്കില്‍ പിന്നെ നിന്റെ തൊട്ടടുതിരിക്കുമ്പോള്‍
എന്നെ അനുസരിക്കാത്ത എന്റെ ചുണ്ടുകളും കൈകളും
എന്റെ ഉറക്കം കെടുത്തുന്നതെന്തു ?

14 August 2012

ഇതേതു ഇസം ?

ബ്രഷിനെ കുറിച്ച് വാചാലനാവുന്നു
ഫെമിനിസ്റായ പുരുഷന്‍
മറ്റൊരാളുപയോഗിച്ച ബ്രഷ് കൊണ്ട്
പല്ല് തേക്കുമ്പോള്‍ തോന്നുന്ന ഒരിതില്ലേ ?
ലത് തന്നെ...
നരച്ച നീല ജീന്‍സിനുള്ളില്‍
തിളഞ്ഞു മറിയുന്ന ലാവ
ഒളിപ്പിച്ചോരിടം
മറ്റൊരുവള്‍ ഉപയോഗിച്ചതെന്ന്
പറഞ്ഞതും ടിയാന്‍ തന്നെ !
അല്ല ബുജീ..
ഇത് ഏതു ഇസം ?